'BUNAZA BIENCA
E' dorma e mer
seta e sol a piamb de mizde',
ch'è stralus,e'stràleca,l'imberbaja.
Ogni tent e' mer
l'elza cume una spala
per di me sol:'lasme ste',
t'an ved?A ripos,a so strac,
t'saves che lota per campè,
una volta e basteva un po' d'mareta,
e chi du baratul e che po' d'gulmaz
l'era un mumeint butei sla riva....
Mo ades...
Am sint muri' de' per de',
a sint ch'a perd sempre pio'
i mi culor,che mi sapor ad sel,
che prufoum ad mareina.
Elghi ch'al va sla cureinta
cume straz,
pess che pepa fior d'aqua,
e's cioma bienca ch'la corr se scirocc.
Ma chièch'èvo'tott quest? L'om?
Mo cus chl'a fàt,
l'a pers la testa?
O sol...o sol...
Diglie te se t'po'
diglie ch'u n è giost to'tt quest,
diglie per piaser,
forse a semm ancora in teimp
Forse....'
Giudo Lucchini,poeta dialettale riminese
'Bonaccia bianca
Dorme il mare/ sotto il sole a piombo del mezzodi',/che riluce di faville,abbaglia/Ogni tanto il mare/alza come una spalla/per dire al sole:'lasciami stare,/non vedi? Riposo,sono stanco/sapessi che lotta per campare,/una volta bastava un po' di mareggiata/e quei due barattoli e quel po' di rifiuti/era un momento buttarli sulla riva.../Ma adesso..../Mi sento morire giorno per giorno,/sento che perdo sempre piu'/ i miei colori,quel mio sapore di sale/quel profumo di marina./Alghe che vanno con la corrente/come stracci/pesce che boccheggia fuor d'acqua,/e schiuma bianca che corre con lo scirocco./Ma chi vuole tutto questo?L'uomo?/Ma cosa ha fatto,/ha perso la testa?/O sole....sole.../diglielo tu se puoi,/diglielo che non è giusto tutto questo,/diglielo per piacere,/forse siamo ancora in tempo..../Forse...'
Nessun commento:
Posta un commento